1989ko irailean argitaratu zen JAZTEN aldizkariaren aurreneko alea, “Biziko bagara jantzi beharra daukagulako” lelopean. Argitalpenaren helburu nagusia euskararen eta oro har hizkuntzen berreskurapenaren inguruan zeuden teoria zein gogoetak euskaldunei modu ulerterrazean gerturatzea izan zen. Horrela, 1994ko abendua bitartean, hamar ale kaleratu ziren, Julen Arexolaleibak koordinatuta. Harrezkero urte mordoxka bat joan den arren, euskararen aldeko lanean gabiltzanontzat gaurkotasun eta praktikotasun handiko mamia gordetzen dute oraindik ere JAZTENen aleek. Goza eta erabil itzazue, bada.