Paddy Rekalde idazle bilbotarrak Spray, bere azkeneko poesia liburuaren errezitaldia eskaini zigun azaroaren 11n Gaztetxean. DJ Baltzak eta Peru Madalena graffitigileak lagundu zioten irakurraldia girotzen. Hogeita hamabost gazte bildu ziren ikuskizun bitxia ikusteko eta batzuek muntaian parte hartzeko aukera izan zuten, marrazkilariari laguntzen.
Uztailaren 21ean Joxemari Carrere kontalariaren "Maitasun arbola-ipuin pre-erotikoak" ikuskizuna antolatu genuen Arrotza plazan. Gazte eta heldu ugari ekarri zituen ikuskizunak, gaueko giro epela eta eskaini genuen te arabiarra lagun.
